Saturday 21st November 2026

साउदी अरबमा नेपाली कामदारलाइ मृत्युदण्ड


तितोपाटी – साउदी अरबमा एक नेपाली कामदार विरूद्ध मृत्युदण्डको फैसला सुनाइएको छ ।आफ्नै नातेदारको हत्यामा दोषी ठहरिए पछि १२ बर्षदेखि जेलमा रहेका उदयपुरका विवेक दाहाललाई साउदी अरेबियाको पुनरावेदन अदालतले मृत्युदण्ड सजाय सुनाएको हो। उदयपुरको बसाहा–७ बैंकडाडाका दाहालले मोरङ, बबियाविर्ता–३ का राजेन्द्र विष्टलाई २००७ फेब्रुअरी २ मा सुतिरहेको अवस्थामा हत्या गरेका थिए ।  उनलाई जुबेलस्थित हायल जेलमा राखिएको छ ।

 अदालतले पीडित पक्षलाई निजी अधिकारसम्बन्धी कानुन प्रयोग गर्न दिन अस्वीकार गरेको छ । अपराधको घटना अनुसार विवेक, राजेन्द्र र एक जना सुडानी नागरिक साउदी अरबको जुवेलमा उँठ गोठालाको रूपमा एकै ठाउँमा कार्यरत थिए । विष्ट र सुडानी राति सुतिरहेका बेला दाहालबाट आक्रमण भएको मिसिलमा उल्लेख छ । आक्रमण हुनेबित्तिकै विष्टकोज्यान गयो । सुडानी घाइते भएको यो मुद्दामा निजी अधिकार सम्बन्धी कानून भन्दा पनि सार्वजनिक कानून लागु हुने भन्दै सार्बजनिक कानुनअनुसार मृत्युदण्डको फैसला सुनाएको तल्लो तहको फैसलालाई पुनरावेदन अदालतले सदर गरेको हो ।

दाहालको जीवन रक्षाको लागि रियादस्थित नेपाली दूतावासले निजी कानूनअनुसार पीडित पक्षलाई ‘ब्लडमनी’ रकम उपलब्ध गराइ माफी दिन अदालतसमक्ष अनुरोध गरेको थियो ।

-कान्तिपुरबाट


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...