Wednesday 18th November 2026

माैलिक लोकदोहोरी ‘गलबन्दी’ युटुबमा भाइरल, ३ हप्तामै करोडमाथि भ्युअर्स


तितोपाटी – मोलिक लोकदोहोरी ‘गलबन्दी” एल्बम यतिखेर युटुबमा भाइरल भइरहेको छ । सार्वजनिक भएको तीन साता पनि नबित्दै बुधबारसम्ममा यो म्युजिक भिडियोले युट्युबमा एक करोड सात लाख बढी ‘भ्युअर्स’ पाएको छ। कम समयमा युट्युबमा धेरै पटक हेरिएको लोकदोहोरीमा गलबन्दीले ‘रेकर्ड’ कायम गरेको हो। गलबन्दी प्रकाश सपुतले बनाएका हुन ।

गलबन्दीमा प्रकाश सपुत र शान्ति श्री परियारको स्वर छ। शब्द, सङ्गीत र भिडियो निर्देशन पनि सपुतकै छ। म्युजिक भिडियोमा सपुत र अञ्जली अधिकारीको अभिनय छ। सो गीतको छायाङ्कन सपुतकै जन्मघर बागलुङ धम्जामा गरिएको थियो। परम्परागत रोधीको झल्को दिने गरी बनाएको गलबन्दी गीतबाट सपुतको बहुप्रतिभा उजागर भएको छ। मौलिक शब्द, सङ्गीत र प्रस्तुतिकरणका कारण गीतलाई स्रोता, दर्शकले रुचाइरहेका छन्।

सपुतले अघिल्लो वर्ष निर्माण गरेको लोकगीत ‘बोल माया’ पनि युट्युब ट्रेन्डिङ नं एकमा आएको थियो। बोलमायाकै पूर्वभाग निरन्तरताको रुपमा ‘गलबन्दी’ ल्याएको सपुतले बताए। ‘बोलमायामा पनि स्वरमा सपुतलाई शान्तिश्री परियारको साथ थियो। उक्त गीतको भिडियोमा पनि सपुत र अञ्जली अधिकारीको अभिनय छ।’

म्युजिक भिडिओको कथा, सोच र निर्माणपक्ष समेतले गीतलाई न्याय गरेको छ। लोकदोहोरीमा मानवीय प्रेम र संवेदनाको भाव प्रकट भएको छ। ‘विशुद्ध मनोरञ्जनका लागि बनाइएको गीत हो’, सपुतले भने ‘भिडियोमा मौलिकपन दिने प्रयास गरेको छु।’

कथात्मक शैली, सिर्जनशीलता, अनौपचारिक प्रस्तुति, ठेट संवाद र जीवन्त अभिनयले दर्शक गीतमा लोभिन्छन्। सपुत चञ्चले युवक र अधिकारी लजालु युवतीका रुपमा म्युजिक भिडियोमा देखा पर्छन्। भाका नेपाल प्रालिद्वारा निर्मित यो गीतको भिडियोमा सपुतका आमाबुबा, भाइ र आफन्तजनको अभिनय देख्न पाइन्छ।


सम्बन्धित शीर्षकहरु

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

कुवेतमा आयोजनामा हुन गइरहेको प्रथम मुजैनी–पूर्वेली टाइगर गोल्ड कप २०२६ फुटबल पर्व–मेला को सम्पूर्ण तयारी अन्तिम चरणमा पुगेको आयोजकले जनाएको…

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

प्रतिकृयाहरू
...