Thursday 19th November 2026

“मन बिनाको धन ठुलो” अब ठुलो पर्दाको चलचित्र धुम-३ मा पनि


तितोपाटी – पछिल्लो समय भाइरल भएको ‘मन बिनाको धन ठूलो कि धनबिनाको मन’ गीत अब चलचित्रमा पनि सुन्न र हेर्न पाइने भएको छ। नायक जयकिसन बस्नेतले पछिल्लो समय निर्माण गरेर हाल पोस्ट प्रोडक्सनको अन्तिम चरणमा रहेको चलचित्र ‘धूम-३ मा यो गीत समावेश गरिने भएको हो।

‘मन बिनाको धन ठूलो’ गीतसँगै यसका संगीतकार तथा गायक टंक बुढाथोकी पछिल्लो समय चर्चा र विवाद दुवैमा छन् भने उनलाई आफ्नो चलचित्र जञ्जिरबाट संगीतकारमा ब्रेक दिएका जयकिसन बस्नेतसँग पनि बुढाथोकीको दूरी बढेको छ। दुई दर्जन चलचित्रमा बुढाथोकीलाई संगीतकार लिएका नायक बस्नेतले पछिल्लो आफ्नो महत्वाकांक्षी चलचित्र ‘धूम-३’मा पनि उनलाई नै लिएका थिए।

नेपाली चलचित्रमा पछिल्लो समय संख्यात्मक हिसाबले संगीतकारका रूपमा गनिएका बुढाथोकी युट्युबमा भाइरल बालगायक अशोक दर्जीसँग जोडिएपछि जयकिसन बस्नेतसँग मात्र नभई अन्य चलचित्रकर्मीसँग पनि टाढिएको प्रसंग चर्चामा छ। जयकिसनले उक्त गीतको अधिकार आफूसँग भएको र छायांकन गरी चलचित्र ‘धूम-३’मा समावेश गर्न लागेको बताए।


सम्बन्धित शीर्षकहरु

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

कुवेतमा आयोजनामा हुन गइरहेको प्रथम मुजैनी–पूर्वेली टाइगर गोल्ड कप २०२६ फुटबल पर्व–मेला को सम्पूर्ण तयारी अन्तिम चरणमा पुगेको आयोजकले जनाएको…

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

प्रतिकृयाहरू
...