तितोपाटी डट कम-आफ्नो खुट्टामा घाऊ कुहिएर समयमै उपचार गराउन नसकेर बेबारिसे बन्दै सडकको बास भएका नुवाकोटका प्रेम लामालाई उनको दयनिय अवस्था देखेर उनको उपचारमा कुवेतबाट सिन्धुपाल्चोक भोटेकोसी-१, लिस्ती-घिप्चे नोर्के शेर्पाले नेपाली रुपैया ५,५००(पाँच हजार पाँच सय)आर्थिक सहयोग गरेका छन।
आफ्नो १२ घन्टे काममा कारण नेपाली समुदाय कुवेतबाट टाढै रहे पनि सामाजिक सन्जालमा आएका दु:ख-बेदनामा सधैं सहयोग गर्ने नोर्के कुवेतको अल इमा एरेस्को सेक्यूरिटी कम्पनीमा कार्यरत छन।उनले तीतोपाटी डट कम संग भने”कोही कसैलाई भेट्न नभ्याउने भएकोले ब्यक्तीगत रुपमा प्रेम लामाको उद्दारमा लागेका सुरज बोम्जनको नाममा उक्त सहयोग पठाएको हुँ”।
धेरै सामाजिक अभियानहरुमा सफल नेत्रित्व गरिसकेकी र दु:ख-पिडामा परेका नेपालीहरुलाई साथ, सहयोग र हौसला प्रदान गर्दै बेसहाराहरुको साहारा बनेकी नेपाली साझा मन्च नेपालकी सारदा भुसाल झाले प्रेम लामाको बारेमा सामाजिक सन्जालमा उनको उपचारमा सहकार्य र सहयोगको अपिल गरेकी थीईन।प्रेम लामाको उपचारका लागि सिन्धुपाल्चोक सेवा समाजकी कृति गोलेले पनि अभियान सन्चालन गरिरहेकी छिन।
