तितोपाटी – तनहुँमा अाज बस दुर्घटना हुँदा उक्त बसमा सवार ३७ जना यात्रु घाइते भएका छन् ।
भिमादबाट चितवन तर्फ जाँदै गरको ग १ ख ५८४७ नम्वरको बस दुर्घटनामा परेकाे हो। पृथ्वी राजमार्ग अन्तर्गत तनहुँको व्यास नगरपालिका–१२ स्थित घाँसीकुँवामा बस अनियन्त्रित भइ दुर्घटना भएकाे हाे। बस राजमार्गवाट ३० मिटर तल खोचमा खसेको जिल्ला प्रहरी कार्यालय तनहुँले जनाएको छ। प्रत्यक्षदर्शीलाई उद्धृत गर्दै प्रहरीले जनाएअनुसार एक अर्को सवारीलाई साइड दिने क्रममा बस उकालोको भिरबाट तल खसेको थियो । घाइतेको प्रहरी र स्थानीयले उद्धार गरेका थिए।
घाइतेमध्ये ३३ काे तनहुँ स्थित दमौली, रत्नहरी र व्याससिटी अस्पतालमा उपचार गरिएको छ भने ४ यात्रुलार्इ मणिपाल अस्पताल पोखरा पठाइएको जिल्ला प्रहरी कार्यालय तनहुँका प्रहरी नायव उपरीक्षक श्यामु अर्यालले जानकारी दिए।
