नेपालमा आएको विनाशकारी बाढीपछि जारी खोज तथा उद्धार अभियानका क्रममा एक चिनियाँ नागरिकलाई १० दिनपछि जलविद्युत अायोजनाको सुरुङबाट र बाढीको लेदोले पुरिएको घरभित्र फसेकी एक महिलालाइ ११ अाैं दिनमा जिवित उद्दार गरिएको छ ।
नेपाली सेना र दक्षिण कोरियाली उद्धार विज्ञहरूको संयुक्त टोलीले अपर त्रिशूली–१ जलविद्युत् आयोजनाको २२५ मिटर लामो सुरुङभित्र फसेका चीनिया नागरिकलाई सुरक्षित बाहिर निकालेको हो। उद्धारपछि उनलाई हेलिकप्टरमार्फत उपचारका लागि लगिएको छ।
त्यस्तै, नुवाकोटमा हिलोले पुरिएको घरभित्र फसेकी ६४ वर्षीया एक नेपाली महिलालाई पनि जीवित उद्धार गरिएको छ। उनलाई उपचारका लागि काठमाडौं लगिएको नेपाली सेनाले जनाएको छ।
बाढी प्रभावित क्षेत्रमा अझै पनि सयौं कामदार र स्थानीयवासी बेपत्ता छन्। उद्धारमा नेपालसँगै भारत, चीन, दक्षिण कोरिया, अष्ट्रेलिया र अमेरिकाका टोलीहरू समेत खटिएका छन्।
सरकारी तथ्यांकअनुसार हालसम्म बाढीमा १,३७५ जनाको मृत्यु भएको छ भने ५,००० भन्दा बढी व्यक्ति अझै बेपत्ता रहेका छन्।
