तितोपाटी- नेपालले आईसीसी टी-२० विश्वकप एसिया-ईस्ट एसिया प्यासिफिक छनोटको उपाधि जितेको छ । ओमनमा भएको छनोटको अन्तिम खेलमा सामोआलाई १२४ रनले पराजित गर्दै नेपालले सबै खेलमा जित हासिल गरेसँगै उपाधि जितेको हो ।
नेपाल शीर्ष स्थानमा रहँदै सन् २०२६ फेब्रुअरीमा भारत र श्रीलंकाले हुने टी–२० विश्वकपमा स्थान सुरक्षित गरेको छ भने ओमान दोस्रो र युएई तेस्रो स्थानमा रहँदै विश्वकपमा पुग्न सफल भएका छन । शुक्रबार भएको प्रतियोगिताको अन्तिम खेलमा नेपालले दिएको २१२ रनको लक्ष्य पछ्याएको सामोआले २० ओभरमा ७ विकेट गुमाएर मात्र ८७ रन बनाएको थियो । सामोआका लागि सेन सोलियाले सर्वाधिक ४० रन बनाए ।
बलिङमा नेपालका ललित राजवंशीले सर्वाधिक ३ विकेट लिए । करण केसी, सन्दीप लामिछाने र कप्तान रोहित पौडेलले एकएक विकेट लिए । त्यसअघि टस हारेर पहिलो ब्याटिङको निम्तो पाएको नेपालले निर्धारित २० ओभरमा ४ विकेट गुमाएर २११ रन बनाएको थियो । नेपालका आसिफ शेख ४१ बलमा ६९ र दीपेन्द्रसिंह ऐरीले ३३ बलमा ५३ रनको अर्द्द्सतकिय पारी खेलेका थिए । यसै गरि कुशल भुर्तेल १७ र आरिफ शेख ९ रनमा आउट भए । भने कप्तान रोहित पौडेल १२ बलमा २१ र लोकेश बम १२ बलमा ३९ रनमा अविजित रहेका थिए ।
