नेपाल कुवेत सरोकार समाजले आफ्नो पाँचौं अधिवेशन आगामी अक्टोबर ३१ (शुक्रबार) का दिन आयोजना गर्ने भएको छ। समाजका अनुसार अधिवेशन कार्यक्रम बिहान ११ बजेबाट सुरु हुनेछ।
अधिवेशनको आयोजना स्थल कुवेतको फायर स्टेशन रोड, हेजेन कब्द, घर नम्बर १२००, ब्लक नम्बर ४ मा तय गरिएको छ।
स्थापना कालदेखि नै समाजले कुवेतमा रहेका नेपालीहरूबीच सामाजिक सेवा, आपत्कालीन आर्थिक सहयोग, तथा राष्ट्रिय कलाकारहरूको सहभागितामा विविध सांस्कृतिक कार्यक्रमहरू गर्दै आएको छ।
समाजले कुवेतमा रहेका सबै नेपाली संघ–संस्था, सामाजिक अभियन्ता, कलाकार तथा सरोकारवाला नेपालीहरूलाई अधिवेशनमा उपस्थित भई कार्यक्रमलाई सफल पार्न हार्दिक निमन्त्रणा गरेको छ।
कार्यक्रममार्फत समाजले विगतका गतिविधिहरूको समीक्षा गर्दै आगामी कार्ययोजना तथा नेतृत्व चयन पनि गर्ने अपेक्षा गरिएको छ।
