Sunday 31st August 2025

तनहुँ सेवा समाज कुवेतले अंग्रेजी नयाँ वर्षमा ” नयाँ वर्ष सांगीतिक धमाका-२०२६” आयोजना गर्ने


तीतोपाटी – कुवेत स्थित तनहुँ सेवा समाज कुवेतले अंग्रेजी नयाँ वर्ष २०२६ को अवसर पारेर आगामी २ जनवरी २०२६ शुक्रबारका दिन ” नयाँ वर्ष सांगीतिक धमाका-२०२६” आयोजना गर्ने भएको छ । समाजले नेपालबाट अतिथि कलाकारहरू कुवेत ल्याइ अतिथि राष्ट्रिय कलाकारको साथमा कुवेतमा रहेका स्थानीय कलाकारहरूको समेत बेजोड प्रस्तुति दिने गरि सो सांगीतिक धमाका गर्न लागेको संस्थाले जनाएको छ ।

संस्थाकाे माैजुदा कार्य समितिको १३औं मासिक बैठकले सो निर्णय गरिएकाे जनाउँदै संस्थाका अध्यक्ष सोम खत्रीले कार्यक्रमको लागि नेपालमा रहेका कलाकारहरूसँग कुराकानी चलाइरहेको र छिट्टै नै कलाकारको निर्क्योल गरि हल व्यवस्थापन र अन्य तयारीमा लागिने मिडियासँगको कुराकानीमा बताए ।

संस्थाले सांगीतिक कार्यक्रम गर्ने निर्णय गरेको सूचना सबै मिडियाहरूलाइ पठाइसकेको जनाउँदै कार्यक्रमलाइ सभ्य र भव्य रूपमा सम्पन्न गर्न कुवेतवासी सबै संघ-संस्था, मिडियाहाउसहरू, पत्रकारहरू, वुद्दिजीवी, समाजसेवी, भद्रभलाद्मी, गन्यमान्य सबैको साथ सहयोग र सहकार्यको अपेक्षा गर्दै उक्त दिन कसैले पनि कार्यक्रम नजुधाइदिन पनि यसै समाचार मार्फत आग्रह गरेको छ ।

स्मरण रहोस, १५ वर्षदेखि कुवेतमा रहेका अन्य संघ संस्थाहरूसँग हातेमालो र सहकार्य गर्दै आएको उक्त समाज “हाम्रो एकता निश्वार्थ सेवामा – हाम्रो तनुहँ, राम्रो तनहुँ” भन्ने नाराका साथ अघि बढिरहेको र विभिन्न किसिमले पीडित बनिरहेका पूर्व मेचिदेखि पश्चिम महाकालीसम्म घर भइ कुवेतमा कार्यरत श्रमिकहरूलाइ सहयोग गर्दै आइरहेको छ भने कुवेतमा हुने हरेर संघ संस्थाका गतिविधिमा ऐक्यबद्धता जनाउँदै सहयोग गर्दै आएको छ ।

कार्यक्रम विवरणः
कार्यक्रमः “नयाँ वर्ष सांगीतिक धमाका-२०२६”।
मितिः २ जनवरी २०२६ ।
स्थानः तय भइ नसकेको ।
अतिथि कलाकारः तय भइ नसकेको ।

कार्यक्रमको बारेमा जानकारी तथा सहकार्यको लागि सम्पर्कः
सोम खत्री (अध्यक्ष) – 90079257
मिन बहादुर थापा मगर (महासचिव) – 56613856
डिल बहादुर आले (सांस्कृतिक विभाग प्रमुख) – 60409584
निरज क्षेत्री (खेलकुद विभाग प्रमुख) – 92221235


सम्बन्धित शीर्षकहरु

शरीरलाई स्वस्थ रहन र महत्त्वपूर्ण दैनिक कार्यहरू गर्न धेरै प्रकारका पोषक तत्वहरू चाहिन्छ। यसमा प्रोटिन, भिटामिन र मिनरल्स पनि पाइन्छ…

कुवेत – नेपाल कुवेत सांस्कृतिक मञ्चको आयोजनामा नेपाली महिलाहरूको महान पर्व हरितालिका तीज भव्य रूपमा सम्पन्न भएको छ। कार्यक्रममा लोकप्रिय…

कुवैत सिटी, अगस्ट २८ एक उच्चस्तरीय कारबाहीमा, कुवेतको आन्तरिक मन्त्रालयले मानव बेचबिखन र आप्रवासी तस्करीको आरोपमा ९के। श।० को रूपमा…

प्रतिकृयाहरू
...