डा. हरिमोहन पोखरेल , कोहिमा /मणिपुर राज्यको ऊखरूल जिल्ला अंतर्गत सिरोई गाउँमा राज्यस्तरीय सिरोई फेस्टिवल शुरू भएको छ ।
आजबाट शुरु भएको तीन दिने समारोहलाई सम्बोधन गर्दै राज्यका महामहिम राज्यपाल एल गेलिशनले भने कि आजको समयमा कुनै पनि पर्वले जाती र संस्कृति बोकेको हुन्छ ।जसलाई हामीले बचाई राख्नु अत्यन्त आवश्यक छ ।
मुख्य अतिथिको आसनबाट बोल्दै राज्यपालले भने कि सिरोई लीली एउटा पवित्र पुष्प मात्र नभएर संसारलाई जोड्ने एउटा पवित्र प्रतीकको रूपमा चिनिन्छन।यसले विश्व बंधुत्वको एउटा ठूलो संदेश दिएको छ ।
यसै अवसरमा राज्यका मुख्यमन्त्री एन बिरेनले भने कि मणिपुरमा आज विभिन्न समस्याहरू देखा परे पनि सिरोई उत्सव मनाउन पाउनु एउटा ऐतिहासिक कदम हो ।आजको युगमा यसको भूमिका अलग्गै रूपमा रहेको छ । उनले अगाडि भने कि समय संग संगै हामी पनि प्रगतिको पथमा अवश्य पनि सफल हुनेछौ ।
यस अवसरमा राज्यका विभिन्न जातिगत कला र संस्कृति नृत्यहरू पनि प्रदर्शन गरेका थिए भने राज्यका सिविल तथा सरकारी निकायबाट पनि बाक्लो उपस्थिति रहेको थियो ।
स्मरण रहोस् प्रत्येक वर्ष मणिपुरमा सिरोई महोत्सव मनाउने गरिन्छ ।जसको बेग्लै इतिहास छ ।
—
कोहिमा नागालैंड भारत