तीतोपाटी, काठमाडौं – संयुक्त अरब इमिरेट्स (युएई)ले सरकारी कार्यालयमा कार्यरत कर्मचारीहरुलाई हप्तामा साढे चार दिन मात्र काम गरे पुग्ने नियम ल्याउने भएको छ।
युएईले यसअघि हप्तामा दुई दिन शुक्रवार र शनिबार मात्रै बिदा दिने गरेको थियो । जनावरी २ तारिखबाट भने शुक्रबार आधी दिन अनी शनिबार र आइतवार भने पुरा दिन छुट्टी दिइने छ।
अरू दिनहरूमा बिहान साढे सात बजेदेखि दिउँसो साढे तीन बजेसम्म सरकारी कार्यालयहरू खुल्नेछन् भने शुक्रबार मध्याह्न १२ बजेबाटै कार्यालयहरु बन्द हुने खबर गल्फ न्युजले लेखेको छ।
सरकारी बाहेक अन्य निजी कार्यालयहरुमा भने यो नयाँ नियम लागू हुने छैन ।
