तितोपाटी – दुबईस्थित नेपाली दूताबासको नक्कली छाप र किर्ते दस्तखत गरेर राजधानीको एक म्यानपारव कम्पनीले वैदेशिक रोजगार विभागमा कीर्ते मागपत्र पेश गरेको पाइएको छ ।
राजधानीको बसुन्धारास्थित ग्रेट स्काई इन्टरनेशनल मेनपावर कम्पनीले यसरी कीर्ते मागपत्र ल्याएको खुलेको हो ।
कुनैपनि मेनवार कम्पनीले मागपत्र ल्याउनुअघि सम्बन्धित दूताबास वा सम्बन्धित देश हेर्ने दूतबासले राजदूतले प्रमाणिकरण गर्नुपर्ने नियम छ । तर ग्रेट स्काई इन्टरनेशनल मेनपावर कम्पनीले तयार पारेको मागपत्रमा प्रमाणीकरण नै नगराई फर्जी मागपत्र तयार पारेर विभागमा बुझाएको पाइएको हो ।
विभागले सोबारे राय लिनको लागि दूबईस्थित दूतबासमा पत्राचार गरेपछि कीर्तेको पर्दाफास हुन पुगेको हो ।
विभागले मंगलबार कीर्ते गर्ने कम्पनीमा छापा मारेर कागजात नियन्त्रणमा लिएको जनाएको छ । कम्पनीमाथि छानबिन गरेर कडाभन्दा कडा कारबाही गरिने पनि विभागले जनाएको छ ।
