Saturday 21st November 2026

चार्टर्ड उडानमा यात्रु ठगिएको गुनासोपछि छानबिन समिति गठन


तितोपाटी- चार्टर्ड उडानको नाममा सर्वसाधारण ठगिएको गुनासोपछि सरकारले छानबिन समिति गठन गरेको छ ।

संस्कृति, पर्यटन तथा नागरिक उड्डयन मन्त्रालयले नेपाल नागरिक उड्डयन प्राधिकरणका महानिर्देशक राजन पोख्रेलको संयोजकत्वमा छानबिन समिति गठन गरेको हो । चार्टर्ड उडानका नाममा निजी वायुसेवा कम्पनीले वैदेशिक रोजगारीमा जाने श्रमिकसँग चर्को भाडा असुलेको गुनासो आएपछि छानबिन समिति गठन गरिएको महानिर्देशक पोख्रेलले बताए ।

उनले एयरलाइन्सबाट जानकारी लिएर हेर्दा ट्राभल एजेन्सीले बढी पैसा लिएको देखिएको बताए । “त्यसभित्रको रहस्य के कसो छ, बुझ्न बाँकी छ । कारबाहीका लागि पनि नेपाल प्रहरीमार्फत प्रक्रिया अगाडि बढाएका छौँ,” उनले भने ।

ट्राभल एजेन्सीलाई प्रदेश सरकारअन्तर्गत रहेको पर्यटन विभागले हेर्छ । “उसैले कारोबार अनुमति दिने भएकाले उसैलाई छानबिनको जिम्मा दिएको भए अझ सहज हुने भए पनि समिति सबै पक्षबाट सदस्य रहेकाले भविष्यमा यस्तो हुन नदिन के गर्नुपर्छ ? अहिले भएका बद्मासीलाई कसरी कानुनी दायरामा ल्याउने ? के–कस्तो कारबाही गर्न सकिन्छ, सिफारिस गर्ने गर्छौँ,” उनले भने ।

सरकारले सीमित देशमा हप्ताको एउटा मात्र अन्तर्राष्ट्रिय उडान खुला गरेसँगै केही ट्राभल एजेन्सीले तोकिएको भाडादरभन्दा अत्यधिक चर्को शुल्क लिएको गुनासो मन्त्रालयसम्म पुगेपछि छानबिन समिति गठन गरिएको हो ।बाह्रखरीबाट


सम्बन्धित शीर्षकहरु

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

प्रतिकृयाहरू
...