१.
गाउँ छोडी परदेश आएर,
धेरै रुहे दु:ख पिर पाएर।
२.
मेरी बुढी आमा छिन् घरमा,
मैले छोडे दाईको भरमा।
३.
म परदेशमा एक्लै हुन्छु,
घरमा आमा सम्झिँए रुन्छु।
४.
सधै आमाको आखाँमा आसुँ देख्छु,
परदेशबाटै दुई शब्द लेख्छु ।
५.
मलाई पनि बस्न छैन् खाडीमा बस्ने मन,
रगत पसिना बेचेर कमाउन धन।
६.
जत्ति धेरै गरे पनि यता काम,
गर्न मिल्दैन आमा यता आराम।
७.
दिन रात मैले नखाएर खाना,
आमा हेर्छु म बनाएर बहाना।
८.
दिन न रात केही पनि नभनी,
काम गर्नु पर्छ परिश्रमी बनी।
९.
यता कोरोना पनि सुनसान भयौ,
कहिल्यै नफर्किने गरी कता गयौ।
१०.
यहाँ मरिन्छ कि भन्ने लाग्दै थियो डर,
बाचिन्छ अब छैन कोरोनाको कहर।
-जगत थापा
