माया रुपि सागरको, मुल बनेर आउ तिमी।
दुई मुटु जोड्ने पक्की,पुल बनेर आउ तिमी।
ढकमक फक्रि यहाँ , सुगन्धित बास्ना छरी,
सदाबहार फुलिरहने,फुल बनेर आउ तिमी ।
सयौं जुनि सम्म पनि चोखो पिरतीलाइ ढाक्ने,
टल् टल् गरि टल्किने त्यो,तुल बनेर आउ तिमी।
इमान्दारी ,सोझो,असल,मान्छे बनाउन सक्ने,
प्रिया अति राम्रो एउटा, रुल बनेर आउ तिमी ।
अन्धविश्वास कुरीति र कुसंस्कारलाई हटाएर,
सभ्य समाज निर्माण गर्ने टुल बनेर आउ तिमी।
-प्रतिमा शिवाकोटी
कालिन्चोक गा. पा ८,सुनखानी दोलखा।
(रचना: २०७८ जेठ १९ बुधबार)
