गतसाल छोरो बिरामी भएर घर आयो । कोरोनाले ग्रसित भएकोले अस्पतालमा भर्ना भयो । आमाले रात दिन खटेर हेरचाह गरी छोरालाई निको पारिन् । लगन जुरी सकेकोले बिहे गरिदिइन् । बुहारी लिएर छोरो जागीर खान गयो ।
यसपाली पनि कोरोनाको न्यू भेरियन्ट देखा पर्यो । आमा कोरोना संक्रमित भइन् ।अस्पतालमा भर्ना गरियो । छोरा बुहारी आए । छोरी ज्वाइँ जम्मा भए । आमालाई अस्पतालमा कस्ले कुर्ने ? सबैले मुखामुख हेर्न लागे । छोराले केही जवाफ दिएन । बुहारी कोठाभित्र पसिन् ।
“म कुर्छु मेरी आमालाई “ भन्दै रूँदै छोरी अस्पतालतर्फ लागिन् ।
पुष्कर ‘अथक’ रेग्मी
तानसेन, पाल्पा।
