बहर : मुसाकिल
२१२२ १२२२ १२२२
कुर्नु कुर्दै बसेँ सम्झेर मीठो पल ।
दुष्ट बन्दै यहाँ गर्छौ तिमीले छल ।
बुझ्नलाई नसक्ने बुद्धु नेपाली,
दुःखले काम गर्दा मिल्छ मीठो फल ।
वाध्यताले गयो छोरो घरै छोडी
साहुको ब्याजले बाबा भए दुर्बल ।
आपसैमा सबै पक्कै मिलीकन नै
स्वास्थ्यको लागि हामी शुद्ध पारौँ जल ।
विश्वको सामु ठूलो मान्नु नै पर्छ
दुःख गर्दै बनौँ साहित्यमा अब्बल ।
-सुशीला ढकाल अधिकारी ‘श्री’
काठमाडौं
हाल :- गोर्खा
