Friday 18th July 2025

२२ महिनादेखि नाइजेरियमा फसेका अमेरिका हिडेका २ नेपालीको उद्दार


तितोपाटी – नेपाली दलालले अमेरिका लैजान्छु भनी बिगत २२ महिनादेखि नाइजेरियामा बन्धक जस्तै बनाएर राखेका बाग्लुङका बिबिन्द्र श्रेष्ठ र जगन थापा मंगलबार नेपाल फिर्ता भएका छन्।

उनीहरुसँग नेपाली दलाल जेशन श्रीस ९बाग्लुङ्गरपोखरा० लगायतले जनही ३५ लाख रुपैयाँ नेपालमै लिएको र पछि बीच बीचमा खान र अरु खर्च गरी ५० लाख खर्च भएको बताएका छन् ।

गैरआवासीय नेपाली संघ नाइजेरियाको प्रयास र सहयोगमा उनीहरु मंगलबार काठमाडौ फर्केका हुन ।

उनीहरुको पासपोर्टसमेत दलालले दिएको थिएन । इजिप्टस्थित नेपाली दूतावासले उनीहरुको लागि ट्राभल डकुमेन्ट उपलब्ध गराएको थियो ।

गैरआवासीय नेपाली संघका कोषाध्यक्ष हिक्मत थापाका अनुसार बैंकक हुँदै दलाल मार्फत ३६ नेपाली नाइजेरिया पुगेको र त्यसमध्ये १२ जना लाई अमेरिका लान ब्राजिल उडेका थिए । जसमध्ये १२ जना नेपाल फिर्ता भएका छन् भने १३ जना नाइजेरियामै छन् ।

तर, उनीहरु सम्पर्कमा आउन नचाहेका हुन् या दलालले आउन दिएको छैन भन्ने बारे केही थाहा भएको छैन ।

गत महिनासमेत थापाको संयोजनमा टोगोबाट यही समूहका ५ जनालाई उद्दार गरि नेपाल फर्काइएको थियो ।

थापाले उनिहरुको फिर्ताका लागि पहल गर्ने इजिप्ट स्थित नेपाल दूतावस, एनआरएनए नाइजेरिया परिवार, आइसीसी सदस्य चिरञ्जीवी रोका, एनसीसी नाइजेरियाका कोषाध्यक्ष रोहित भाङ्गर, सदस्य रुद्र दर्लामी मगरलाई विशेष धन्यबाद ब्यक्त गरेका छन् ।

बिबिन्द्र र जगनसमेत गत मे महिनामा मात्र एनआरएनए को सम्पर्कमा आई घर फिर्ता जान अनुरोध गरेका थिए ।

-अनलाइनखबरबाट


सम्बन्धित शीर्षकहरु

पाकिस्तानका पूर्व प्रधानमन्त्री इमरान खानले बुधबार (जुलाई १६) आफ्नो पार्टीका सदस्यहरूलाई पाकिस्तानी सेना प्रमुख असीम मुनीरलाई जेलमा केही भएमा जवाफदेही…

अमेरिकी विदेशमन्त्री मार्को रुबियोले सिरियाको राजधानी दमास्कसमा इजरायलले हालै गरेको आक्रमणको बारेमा वासिङ्टन "धेरै चिन्तित" रहेको बताएका छन्, किनकि युद्धविराम…

सुशिल बस्याल "राष्ट्रप्रेमी" -साउने सङ्क्रान्तिको सम्पूर्णमा हार्दिक मंगलमय शुभकामना। साउने सङ्क्रान्ति पर्व प्रायः सबै नेपालीका लागि विशेष महत्त्वको चाड हो।…

प्रतिकृयाहरू
...