Friday 11th July 2025

पृथ्वीनारायणको शालिकमा माल्यार्पण गर्न जाँदा सर्वसाधारण र प्रहरीबीच झडप


तितोपाटी- सिंहदरबारको मुल गेटअगाडि रहेको पृथ्वीनारायण शाहको शालिकमा माल्यार्पण गर्न जाने क्रममा भद्रकालीमा सर्वसाधारण र प्रहरीबीच झडप भएको छ ।

झडपमा परी केही सर्वसाधारण सामान्य घाइते भएको बताइएको छ । निषेधित क्षेत्र तोड्ने क्रममा झडप भएको प्रहरीले बताएको छ ।

आज देशभर २९९औं पृथ्वी जयन्ती तथा राष्ट्रिय एकता दिवस मनाइँदै छ । सोही क्रममा सिंहदरबारको मुलगेटस्थित उनको शालिकमा माल्यार्पण गर्न र्यालीसहित जाने क्रममा प्रहरी र सर्वसाधारणबीच झडप भएको हो ।

२९९औं पृथ्वी जयन्ती तथा राष्ट्रिय एकता दिवस मूल समारोह समितिको आह्वानमा काठमाडौंमा र्‍याली निकालिएको छ । तर, शालिक भएको स्थानमा निशेधित क्षेत्र घोषणा गरिएकाले सर्वसाधारणको भीडलाई रोकिएको र सोही क्रममा सर्वसाधारण आक्रोशित हुँदै प्रहरीमाथि आक्रमणमा उत्रिएको बताइएको छ ।

आक्रोशित सर्वसाधारणले प्रहरीविरूद्ध नाराबाजी गर्न थालेपछि सम्भावित घटनाको अवस्थालाई दृष्टिगत गरी अहिले उक्त क्षेत्रको सुरक्षा व्यवस्था कडा पारिएको छ ।


सम्बन्धित शीर्षकहरु

बेरुत: लिटानी नदीको दक्षिणमा रहेको आइतत शहरका बासिन्दाहरूले बिहीबार UNIFIL सेनामाथि आक्रमण गरे। आक्रमणकारीहरूले लेबनानी सेनाको एकाइको साथ नदिई वादी…

तितोपाटी- रोल्पाको थबाङ गाउँपालिकाका प्रमुख प्रशासकीय अधिकृतसहित ७ जना कर्मचारी सम्पर्कमा आएका छन् । बिहीबार बिहान हराएका कर्मचारीहरु गुल्मी जिल्लाबाट…

अमेरिकाले इजरायलमा फराकिलो सैन्य निर्माण पहलको निरीक्षण गरिरहेको छ, जसको मूल्य १.५ अर्ब डलरभन्दा बढी छ र यो परियोजना पूर्ण…

प्रतिकृयाहरू
...