तितोपाटी – युएइको शारजाह शहरमामा २ जना नेपाली युवाको निर्ममतापुर्वक हत्या भएको छ । शारजाह स्थित शारकान आवासीय क्षेत्रमा यहि अगष्ट ८ तारिक अनुहार, घाँटी, छाती र पेटमा धारिलो हतियार प्रयोग गरि हत्या गरिएको अबस्थामा २ वटा शबहरू फेला परेकाे र दुबै शब नेपालीको भएको प्रहरीलाइ उधृत गर्दै गल्फ न्यूजले समाचार प्रकाशित गरेको छ ।
हत्या कस्ले गरेको हो र के उद्देश्यले गरेको हो? भन्ने विषयमा प्रहरीले अनुशन्धान गरिरहेको छ भने मृतकहरूको बारेमा प्रहरीले संक्षिप्त नाम मात्र सार्वजनिक गरेको छ जसमा मृतकहरु २६ वर्षका के.जे. र ३७ वर्षका एम.आर. दुवै नेपाली नागरिक भएको जनाइएको छ ।
प्रहरीका अनुसार अगष्ट ८ का दिन बेलुकी ७ बजेतिर शवबारे जानकारी दिन फोन आएको थियो । प्रहरी आउँदा शवलाई घेरेर ठूलो भिड उभिएको थियो ।हत्याको कारण अहिलेसम्म नखुले पनि मृत्युको कारण यकिन गर्न शवलाई फरेन्सिक ल्याबमा अटोप्सीका लागि पठाएको छ । यो हत्याको अनुसन्धान अल गरब प्रहरीले गरिरहेको छ भने घटनास्थलमा उपस्थित भएका र शब देखेका मानिसहरूलाइ प्रहरीले सोधपुछका लागि बोलाए पनि अहिले सम्म कसैलाइ पनि पक्राउ गरिएको छैन ।
