गजल
दुनियाँलाई सतायो कोरोनाको यातनाले पनि ।
चिन्ता झन बढायो आफ्नाकाे सम्झनाले पनि ।।
बिश्व नै महामारीको चपेटामा परेको छ अहिले
कस्तो धर्म संकट ल्यायो यो बिडम्बनाले पनि ।।
भोलि कस्तो अवस्था आउला मलाई थाहा छैन
दैनिक मुटुमा चस्काउछ यिनै कल्पनाले पनि ।।
एक ब्यक्ति बाट अर्को ब्यक्तिमा पो सर्छ भन्छन्
आफन्त पनि पराई पार्यो सर्ने सम्भावनाले पनि ।।
-नरेन्द्र दुलाल
माइपोखरी, इलाम
हालः मरूभूमिको देश कुवेत ।
