तोयानाथ उपेक्षित, कुवेतले २१ दिन लामो पूर्णकालिन कफर्यु मई ३० तारिकबाट हटाउने निर्णय गरे पनि कोभिड १९ बाट बढि संक्रमित थप क्षेत्रहरुको पहिचान गरी आईसोलेट गर्ने निर्णय गरेको छ ।
यसरी आईसोलेटमा पर्ने थप क्षेत्रहरुमा फरवानिया, खैतान, नुग्रा र मैदान हवाली थपिएका छन । यस अघि आईसोलेट एरिया भनिएका जीलिप अल सुयोख र माहावुल्ला क्षेत्र अहिले पनि हट स्पोटकै रुपमा कायम छन र तिनलाई पनि आईसोलेसन मा नै राखिएको छ । बाँकी क्षेत्रको हकमा ५० प्रतिशत कर्मचारीका साथ काम गर्न सक्ने भनिएको छ । आईसोलेट क्षेत्र देखि बाहेकका क्षेत्रमा साँझ ६ बजेबाट विहान ६ सम्म कफर्यु जारी रहने छ ।
कुवेतले यहाँको जनजीवन सामान्य रुपमा फर्काउने घोषणा गरिरहँदा मानिसहरुमा एक खालको भय कायम थियो । पुरै कुवेतको जनजीवन चलायमान गर्दा कोभिड १९ को संक्रमण अरु फैलन सक्ने डर थियो तर अन्तिम अवस्थामा आएर कुवेतले थप सावधानी अपनाउदै चरणबद्ध कार्यक्रमहरु सार्वजनिक गरेको छ । २१ दिने पूर्णकालिन लकडाउनको शुरुका १० दिन सन्तोसजनक देखिएका थिएनन भने पछिल्ला १० दिनमा सुधारको संकेत देखिए पनि दैनिक संक्रमण हुनेको संख्या ७ सय भन्दा तल झर्न सकेको छैन ।
कुवेतमा हालसम्म संक्रमितहरुको संख्या २४,११२ पुगेको छ । यसबीच मृत्युबरण गर्नेहरु १८५ छन जसमा स्वास्थ्य क्षेत्रका २ डाक्टर सहित ७ जना रहेका छन । कुवेतले २३ वटा क्वारेन्टाईनमा राखेर उपचार गरिरहेको छ । आज सम्म निको हुनेको संख्या ८,६९८ जना छन ।
