देश प्रेमीहरुको आँखा आँसुमा डुबेको बेला
म कहाँ हाँस्न सकुला र देशलाई दुखेको बेला ।
गोर्खालीहरुको रगत तातेको छ मुटु जलेको छ
कालापानी लिम्पियाधुरा लिपुलेक गुमेको बेला ।
विश्व नक्सामा सानो थियो तर चम्किलो थियो
हेर्न सकिन मैले नक्सालाई चोट लागेको बेला ।
उता देशवासीहरु विस्तारवादीको विरुद्धमा छन्
म कहाँ सुत्न सकुला र सारा देश उठेको बेला ।
आमालाई घाउ लाग्यो डाक्टर सम्म पुर्याई देउ
म कहाँ हेर्न सक्छु र गिद्दले चोक्टा लुछेको बेला ।
सिन्धुपाल्चोक, नेपाल
हाल – कुवेत
