तोयानाथ उपेक्षित – कुवेतमा रहेका घरेलु कामदारले यसपालीको दशैमा पनि घर जाने सिफारिस नपाउने अवस्था आएको छ । नेपाली दुतावासबाट छुट्टीमा घर विदामा जान सिफारिस माग्दै दुतावास पुगेर फर्किएकाहरु निरास छन । अनेकौ हतासा, निराशा र दुविधामा बर्षौ नोकरी छोड्न नसकेर घर जाने दिन कुरेर बसेका हजारौ कामदारहरु सरकारी निर्णयबाट प्राप्त खुशीलाई व्यहवारमा लागु नभईरहेको पाउदा यसको कारण खोजिरहेका छन ।
नेपाली राजदुतावास कुवेतका दितिय सचिव जानकी ओझाले तितोपाटीसँगको सवालमा भन्नुभयो ‘हामीलाई नेपाल सरकारबाट कुनै जानकारी प्राप्त भएको छैन । जब हामीले जानकारी पाउछौ तब जे सूचना जारी गर्न पर्ने हो गर्दछौ ।’ खाडीका अन्य देश ओमन, बहराईन र दुवई लगायतका राजदुतावासले सार्वजनिक सूचना जारी गरिसकेको अवस्थामा कुवेतलाई त्यस्तो कुनै सूचना मन्त्रालयले नपठाउने भन्ने त्यस्तो पनि हुन्छर ? थप प्रश्न हाम्रो थियो । उहाँहरुले कुन बेसमा सूचना जारी गर्नु भयो त्यो कुरा उहाँहरुलाई नै सोधे राम्रो होला तर हामीलाई त कुनै जानकारी छैन द्वित्तिय सचिव ओझाको जवाफ थियो ।
एनआरएन कुवेतका अध्यक्ष सुजन केसी सँग सम्पर्क राख्दा उहाँले पनि यहि जवाफ दुतावासबाट प्राप्त भएको बताउनु भयो ।
कुवेतमा लगभग २२००० घरेलु कामदार रहेका छन । खाडी राष्ट्र मध्ये सवै भन्दा धेरै घरेलु कामदार रहेको मुलुक मध्ये मा कुवेत पर्दछ । कुवेत नै धेरै घरेलु महिला कामदारको समस्या भएको देश पनि हो । नेपाल सरकारले सन २०११ बाट २०१४ त्यस पछि २०१६ बाट २०१७ को विचमा हाउसमेडको लागि आउने जाने स्वीकृति दिए पनि २०१७ बाट यो प्रक्रिया ठप्प छ । त्यस यता पनि विभिन्न देशको बाटो बाट कुवेत भित्रने घरेलु महिला कामदारमा कुनै कमी आएको पाइंदैन। यसरी विभिन्न देशबाट र नेपालबाट समेत सेटिङमा आएका हजारौ महिलाहरु विगत ३ बर्ष देखि नोकरी छोडेर घर जान सकिरहेका छैनन ।
घर राम्रो अनि काम र दाम राम्रो हुँदा उनीहरु छुट्टीमा जान पर्खेर बसेका छन तर नेपालको संसदिय समितीले गत महिना पूर्व निर्णय सच्याएको महिना दिन वितिसक्दा पनि कुवेतले सरकारको निर्णय प्राप्त गर्न सकेको छैन । यसले नजिकिएको नेपालीहरुको महान पर्व दशैमा घर जान चाहने सयौ घरेलु कामदारको खुशीमा तुसारो परेको छ ।
आपतकालिन पारवारिक अवस्थामा समेत नोकरी जाला भनेर छुट्टी जान नसकेकाहरु सरकारले गरेको पछिल्लो निर्णय यतिका दिन सम्म पनि दुतावास सम्म किन आईपुगेन ? दुतावासमा समाचार सुनेर सिफारिस लिन जानेहरु निरास हुदै किन फर्कनु परिरहेको छ? सम्बन्धित निकायले ध्यान दिन जरुरी छ । खाडी राष्ट्रका अन्य देशका नेपाली नियोगले के आधारमा सूचना जारी गरे यो गंभिर सवालको जवाफ खोज्न पर्दछ । यदि नेपाल सरकारले उनीहरुलाई सूचना दिएर नै सिफारिस लिन आउनु भनिएको हो भने कुवेतले चाही परराष्ट्रबाट चिठ्ठी नपाउनुको कारण के हो? यो गंभिर सवालमा सवैको चासो बढेको छ ।
