Saturday 21st November 2026

कतारबाट फर्केका युवाले स्वदेशमै गरे व्यवसाय सुरु


तितोपाट- रोजगारीका लागि कतारमा रहेका र कतारबाट फर्केका युवाले सामुहिक लगानीमा काठमाडौंको चावहिलमा रेस्टुरेन्ट, ट्राभल्स एजेन्सी र आयुर्वेदिक क्लिनिक सुरु गरेका छन् । बैदेशिक रोजगारमा लामो समय विताएका उनीहरुले सामुहिक लगानीमा मिमोसा मल्टिपर्पोज कम्पनी मार्फत व्यवसाय सुरु गरेका हुन् ।

“स्वदेशमै केही गर्न सकिन्छ भन्ने यो एउटा गतिलो उदाहरण हो” मिमोसा मल्टिपर्पोको उद्घाटन गर्न पुगेका हाँस्य कलाकार दिपकराज गिरीले भने, देशका अन्य स्थानहरुमा समेत यसको शाखा उपशाखा स्थापना हुन सकोस ।

बचत गरेको रकमले स्वदेशमै केही गर्नु पर्छ भन्ने उद्धेश्यले नेपालमा सामुहिक लगानीमा बहुउद्देश्यीय कम्पनी स्थापना गरिएको र यसले नेपाल भ्रमण बर्ष २०२० लाई सहयोग पुर्याउने लक्ष्य लिएको मल्टिपर्पोजका सञ्चालक मध्येका एक मोहन श्रेष्ठले जानकारी दिए ।

सो संस्थाले कतारको दोहामा सञ्चालन गरेका कामहरू र आगामी योजनाको बारेमा कतारमा रहेका नेपालीलाई जानकारी गराएको थियो । कार्यक्रममा डिएमआइका दिपक ढकाल, जागरुक युवा समाज नेपाल कतारका अध्यक्ष राज चुवान, सद्भाव युवा समाजका सल्लाहकार सुरेश तामाङ, वेयलफेयरका अध्यक्ष दिपक थापा, खोटाङ सेवा समाजका अध्यक्ष रुद्र शर्मा लगायतले ब्यवसायिक सफलताको शुभकामना दिएका थिए ।

साभार देश परदेश


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...