Saturday 21st November 2026

भोजपुर सेवा समाज कुवेतद्वारा ५ वटा स्टेचर बितरण


तीतोपाटी- भोजपुर सेवा समाज कुवेतले जिल्लाको बिकट ५ वटा गाउँको लागि १/१ वटाको दरले ५ वटा स्टेचर बितरण गरेको छ। 

जिल्लाको साल्पा सिलिछो गाउँपालिकाको वडा नम्बर ५ अन्तरगत्को तल्लो बिङमा, माथिल्लो बिङमा, पङ्खथला, तेन्दो र बाक्सिन्दा गाउँहरुबाट गाउँमा स्टेचर नहुदा बिरामीहरुलाई अस्पताल सम्म लैजान कठिन भएको, छिमेकी गाउँमा माग्न जादा समेत नदिने गरेको कारण त्यहाँका जनताहरु समस्यामा परेको भोजपुर सेवा समाज कुवेतमा मौखिक निवेदन आएपछि उक्त गाउँहरुलाई २६ हजार रुपैयाँ बराबरको स्टेचरहरु अभियान्ता दालाक्पा शेर्पाको हातबाट वितरण गरिएको संस्थाका अध्यक्ष कोशराज राईले जानकारी गराएका छन् । 

स्टेचर हस्तान्तरणको मिति पहिले नै तय गरिएको भएपनि उक्त वडाका अध्यक्ष शिबकुमार राईको कार्यब्यस्तताको कारण तोकिएको समयमा हस्तान्तरण हुन नसकेपछि  कारण अभियान्ता दालाक्पा शेर्पाको हातबाट उक्त स्टेचरहरु बितरण गरिएको हो। 

समाजले आफ्नो स्थापना कालदेखि नै जिल्ला भित्र र जिल्लाहरुमा बाहिर समेत गरि विभिन्न पीडितहरुको सहयोगमा र रचनात्मक सहयोगका लागि लाखौं रुपैयाँ बराबरको आर्थिक सहयोग गरिसकेको छ। 

गतवर्ष मात्रै सोही वडाकी पङ्खाथलाकी क्यान्सर पीडित साङ्गे ओङ्मु शेर्पालाई २३ हजार रुपैयाँ (यधपी बचाउन नसकिएको) र सोही वडाको च्याक्सिला स्थित श्री लक्ष्मी साल्पा आधारभूत विध्यालयलाई भौतिक पुर्वाधार निर्माणको निम्ति १ लाख रुपैयाँ आर्थिक सहयोग गरेको थियो। 

आगामी दिनहरूमा अन्य गाउँपापालिकाहरुबाट पनि सहयोगको निवेदन आएमा बिचार गरिने समेत अध्यक्ष राईले जानकारी गराएका छन् ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...