कुवेतमा भएको ड्रोन आक्रमणमा परी नेपाली नागरिक सोम कुमार तामाङ (४४) को निधन भएको घटनालाई नेपाली राजदूतावास, कुवेत ले आधिकारिक रूपमा पुष्टि गरेको छ।
दूतावासले मृतकप्रति गहिरो श्रद्धाञ्जली व्यक्त गर्दै शोकसन्तप्त परिवारजनप्रति समवेदना प्रकट गरेको छ। साथै, पार्थिव शरीर यथाशीघ्र नेपाल पठाउने आवश्यक प्रक्रिया अघि बढाइएको जनाएको छ।
यसैबीच, क्षेत्रीय सुरक्षा अवस्थालाई मध्यनजर गर्दै कुवेतमा रहेका सम्पूर्ण नेपाली नागरिकलाई उच्च सतर्कता अपनाउन, स्थानीय प्रशासन तथा सुरक्षा निकायका निर्देशनहरूको पूर्ण रूपमा पालना गर्न र अत्यावश्यक बाहेक अनावश्यक रूपमा बाहिर ननिस्कन दूतावासले अनुरोध गरेको छ।
दूतावासले आवश्यक परेमा आफ्नो आधिकारिक माध्यमबाट थप जानकारी तथा सहायता उपलब्ध गराइने पनि जनाएको छ।
