अमेरिकाले दक्षिणी इरानका केही क्षेत्रमा हवाई आक्रमण गरेको करिब एक घण्टापछि इरानको युद्ध व्यवस्थापन निकायले मध्यपूर्वस्थित अमेरिकी सैन्य अड्डाहरूलाई निशाना बनाएको दाबी गरेको छ। इरानी सेनाले र Islamic Revolutionary Guard Corps (आईआरजीसी) ले संयुक्त रूपमा शक्तिशाली हमला गरेको जनाएको छ।
आईआरजीसीले Bahrain मा रहेको अमेरिकी पाँचौं नौसैनिक बेडामाथि ड्रोन आक्रमण गरेको तथा Jordan को अल-अजराकस्थित अमेरिकी सैन्य अड्डामा लामो दूरीका क्षेप्यास्त्र प्रहार गरी एफ–३५ लडाकु विमानका ह्याङ्गरलगायत चार महत्वपूर्ण लक्ष्यमा आक्रमण गरेको दाबी गरेको छ।
यसैबीच, आईआरजीसीले उत्तरी फारस खाडी क्षेत्रमा उडिरहेको एक अमेरिकी ड्रोन पनि खसालिएको जनाएको छ। उता अमेरिकी सेनाको United States Central Command (सेन्टकम) ले आफ्नो हेलिकोप्टरमाथि आक्रमण भएपछि जवाफी कारबाही गरिएको र उक्त अभियान समाप्त भएको जनाएको छ।
इरानले अमेरिकी अड्डामाथि गरेको भनिएको आक्रमणबारे अमेरिकाले भने हालसम्म कुनै औपचारिक प्रतिक्रिया दिएको छैन।
