नेपालको राजनितीमा सरकार परिवर्तन भईरहने खेल कहिले सम्म जारी रहन्छ कसैले भन्न सक्ने अवस्था छैन । नेताहरु को बोलीको कुनै भरोसा छैन । यो वा त्यो को कुरा होईन तीनै ठुला दलका नेताहरु एक ले अर्कोलाई छक्काउने र लडाउने खेलमा छन ।
यसपाली ओलीले बडो गजब को बदला प्रचण्ड सँग लिएका छन । उनले बदला लिने तयारी गर्दैछन भन्ने कुरा त माधव नेपालको पार्टीको अधिवेशनमा उनले उपेक्षा गरेको घटनाले देखाई सकेको थियो । एउटा सत्ता मा रहेको गठबन्धन को महाधिवेशनलाई एमाले ले अघोषित रुपमा बहिस्कार गरेर त्यसको संकेत दिईसकेको थियो ।
अहिले भएको सत्ता परिवर्तनको तत्कालिन कारण जे भए पनि मुख्य कारण प्रचण्ड माथि ओलीको अविश्वास नै हो । प्रचण्डलाई सिद्धयाउने ओलीको यो सबै भन्दा उत्तम विकल्प कांग्रेसलाई साथ मा लिनु नै थियो । कांग्रेस पनि प्रचण्डको धोका को बदला लिने दाउमा छदै थियो । तत्काल कांग्रेस यति हतारिएर ओली लाई समर्थन गर्न आउनुको पछाडीको कारण भनेको चाही रबी वा रास्वपा नै हो । सिरोहिया समाते देखि नै कांग्रेस अतालिएको थियो । सानातिना भुरे टाकुरे कांग्रेस कार्यकर्ताहरु जो अपराध र ठगीमा छन तीनीहरुको सुरक्षा चासो कांग्रेसको केन्द्रमा थियो । ती सहकारी ठगीको सञ्जालमा सवै भन्दा धेरै थिए ।
बादलको छोरा प्रतिक पक्राउ पर्दा कांग्रेस लाई टाउको दुःखेको थिएन । प्रचण्ड पनि बादल सँग बदला लिन का लागि रबीको काधमा बन्दुक थमाउन पाएकोमा खुशी नै थिए तर बेचन झा जब समातिए तब कांग्रेस अतालियो । बेचन झा को सम्बन्ध सिधै कांगे्रसको उच्च तहमा थियो । खासगरेर भूटानी शरणार्थि काण्डमा उनी मार्फत आरुजु लगायत अरु धेरै को पोल खुल्ने र समातिने डर ले देउवा कांगेस अतालियो ।
प्रचण्ड सत्ता भत्काएको ओली ले जस्तो देखिए पनि त्यो भत्काउने मुख्य भूमिकामा रास्वपा आफै छ । रास्वपा कि त थन्किएका फायल खोल्न पर्ने नत्र सता छोडन पर्ने अवस्थामा पुगेको थियो । रास्वपाको क्रेज रबी एक्सन मा नगएकोले घट्दो क्रममा थियो । रबीलाई थाहा थियो उनले कडा कदम चाल्ने वित्तिकै त्यहाँ समस्या आई लाग्छ नभन्दै त्यस्तै भयो तर उनको एक्सन ढिलो भएको मा भने सर्वत्र गुनासो छ । त्यसो त फायल तयार गर्न पर्ने भएका ले समय लाग्यो भनेर उनले सफाई दिदै आएका पनि हुन त्यसमा कति पत्याउने कति नपत्याउने मानिसमा दुविधा थियो । जब रास्वपा आफै भित्र कलहपूर्ण अवस्थामा पुग्यो तब रबी होसमा आए तर यो काम ढिला भईसकेको थियो । उनलाई किनारा लगाउनेहरु ले उनको योजना को सुईको पाईसकेका थिए र आफ्नो ईगो त्यागेर एमाले रिझाउन कुनै कसर बाकी राखेनन । अब मुश्किलमा रास्वपा र प्रचण्ड दुवै पर्ने देखिन्छ ।
सत्ता परिवर्तनसँगै गिरिबन्धु काण्ड र नक्कली भूटानी शरणार्थि काण्ड फच्चे हुने भयो । कांग्रेस पनि सुरक्षित र एमाले पनि सुरक्षित, अब को सरकारले हिम्मत भए क्यान्टोमेन्ट खोल्न पर्दछ । रबीको सहकारी मा संलघनता देखाउने चुनौती छ त्यसको सामना गर्न पर्दछ । कांग्रेस ले गृहमन्त्रालय लिने चर्चा छ उसले जीवी राईलाई पक्रेर ल्याउन पर्ने हुन्छ । तर ओली सत्ता को आयु पनि कति हो यसै भन्न सकिन्न । यो सत्ता गठबन्धन मा उनीहरुको आपसमा कुनै कुरा मिल्दैन । मिल्नै नहुनेहरु मिल्नु भनेको उनीहरु माथि निक्कै ठुलो संकट आएको छ भन्ने संकेत पनि हो । प्रचण्ड को अब को खेल भनेको देउवा लाई चारो हाल्ने र पुन यो गठबन्धन टुटाउने हुने छ त्यसका लागि उनले रास्वपा लाई मनाए पुग्छ ।
