शुक्रबार मध्यरातमा गएको भूकम्पमा परी अहिलेसम्म १२९ जनाको मृत्यु भएको छ । जाजरकोटमा मात्रै अहिलेसम्म ९२ जनाको ज्यान गएको छ भने रूकुम पश्चिममा ३६ जनाको मृत्यु भएको पुष्टि भएको छ । अहिलेसम्म १५३ जना घाइतेहरू सम्पर्कमा अाएका छन् ।
विकट पहाडी भागमा भूकम्प गएको र भूकम्पका कारण सुक्खा पहिरो जाँदा सडकहरू अबरूद्द हुँदा राहत उद्दारमा कठिनाइ भइरहेकोले क्षतिको पूर्ण विवरण अाउन केहि समय लाग्ने देखिन्छ ।
अहिले स्थानीयहरू, प्रहरी र सेनाका टोलीले उद्दारको कार्य जारी राखेका छन् । कतिपय स्थानमा संचार सम्पर्क हुन नसक्दा क्षतिको यकिन विवरण नअाइसकेपनि अरू धेरै मानवीय क्षति हुन सक्ने देखिन्छ ।
