तोयानाथ दाहाल, उपेक्षित, सिमा हैदर ४ बालबालिका सहित आफ्नो प्रेमी सचिनसँग भारत आईन । उनको उमेर मात्र २७ वर्ष छ तर उनीसँग ४ बच्चा पनि छन । उनले मात्र ५ कक्षा उतिर्ण गरेकी हुन तर अङ्ग्रेजी बोल्न सक्छिन । कम्प्युटर चलाउने राम्रो ज्ञान छ । आफ्नो र बच्चाको पाँच पाँच वटा पासपोर्ट कसरी बनाईन । तीन तीन वटा उनीसँग मोबाइल फोन छन । पकिस्तानी सिमकार्ड छन । उनी पाकिस्तानबाट दुबई र दुबईबाट नेपाल आईन । नेपाल भारत जोड्ने खुल्ला बोर्डर भए पनि गोप्य रूपमा बोर्डर क्रस गर्ने बाटो हुदै भारत पुगिन । नेपाल भारत आउँदा उनले तुरुन्तै सारी पहिरिन र नमस्ते जस्तो शव्दले अभिवादन गर्न शुरु गरिन् । सादगी र भारतीय वातावरण, कमजोर हिन्दी र अङ्ग्रेजी बोल्ने उनी उर्दूको एक शब्द पनि जिब्रोमा आउन दिन्नन् ।
तपाइँलाई यो मजाक हो जस्तो लाग्छ । उनलाई भारत सरकारले पक्राउ गर्यो । सचिन र सिमा दुवै जना थुनिए र केही शर्त सहित अदालतले छाडि दियो । बन्दीले कल्पना पनि गर्न नसक्ने काम उनले गरेकी छन । भारतीय मिडियामा उनका अन्तरवार्ता छ्याप्छ्याप्ती आउछन । सामाजिक सञ्जाल हेर्दा यस्तो लाग्छ देशले उत्सव मनाइरहेको छ जसलाई आम मानिसहरुले भावुकताका साथ स्वागत गरेको देखिन्छ ।
भनिन्छ उनले भारतीय नागरिकता छिट्टै प्राप्त गर्दैछिन र सरकारी जागिर पनि पाउन सक्छिन किनकी उनी अब्दुल तिर नभई सचिनतिर दौडेकोमा मानिसहरू खुसी छन् ।
तर यो भारतको पूर्ण असफलता पनि हो । देशको लागि सुरक्षा एजेन्सीहरूको लागि, सरकारको लागि । यसरी नै यो असफलता एनआईएको लागि, सेनाको लागि, रअ को लागि, सीविआईको लागि पनि । आखिर भारतमा यस्तो कोही पनि आउन सक्छ ?
यसको बारेमा सोच्नुहोस् त ? अहिले यहि सवाल भारतमा उठिरहेको छ । यो माया को मात्र प्रश्न हैन ? समग्र भारत, सिंगो समाज, गाउँ, शहर र देशको सुरक्षा संयन्त्रमाथिको संवेदनशील प्रश्न पनि हो । अरुको निगरानी र चासो राख्ने भारतले आफ्नो घर जल्ने पत्तो कसरी पाउन सक्छ होला ?
सीमा हैदरबाट अहिले उनको नाम सिमा ठकुराईन भएको छ । सिउदो सजाएर सचिनको सिन्दुर पहिरिएकी छन । मिलाएर सारी लगाउन जान्ने भएकी छन । सचिनको तुलनामा उनी धेरै सुन्दर छिन । निक्कै सोच विचार गरेर बोल्दछिन । उनले तुरुन्तै हिन्दु धर्म अपनाएकी छन ।
सचिन झन महान लाग्दछन उनले ४ वटा बच्चा सहित सिमालाई स्वीकार गरेका छन । उनका घर परिवारले पनि उनीहरुको सम्बन्धलाई स्वीकार गरेको देखिन्छ । समाजिक सञ्जाल मार्फत जोडिएका उनीहरुले दुवै देशको दुश्मनीसँग कुनै सरोकार राखेनन । दुई अलग धर्मसँग कुनै विभेद देखाएनन ।
सिमाको श्रीमानले आफ्ना बच्चाहरु भारतिय टिभी च्यानलबाट देखे पछि मोदी सरकारसँग अपिल गर्दै आफ्ना बच्चा पाकिस्तान फर्काईदिन अनुरोध गरेका छन । सीमा बरु भारतीय जेलमा बस्न स्वीकार्य भएको तर पाकिस्तान जान नसक्ने भन्दै सार्वजनिक अभिव्यक्ति दिई रहेकी छिन । उनीहरुको सम्बन्ध सदासर्वदा नटुटोस भनेर कयौ भारतीयहरुले कामना गर्ने गरेका छन ।
