राष्ट्र प्रेम देशभक्ति सबै झुकाउने भयौं ,
अब डलरमा ज्यानकै मूल्य चुकाउने भयौं ।
एमसिसी एसएसपी नेपालमा भित्रयाउन ,
कायर भै ईतिहास किर्ती लुकाउने भयौं ।
सार्वभौम स्वतन्त्रता जोगाउने साँध सिमा ,
गौंडागल्फा बारबन्देजहरु फुकाउने भयौं ।
आफ्नै आँगन मझेरी धारो बाटो चौतारीमा ,
बिदेशीका छिर्के मिर्के कुकुर भुकाउने भयौं ।
अमूल्य ती खोलाखोल्सा झरना र छहरामा ,
रगतको भेल बगाई पानी सुकाउने भयौं ।
टहल आचार्य
२०७९/०३/०७
