कृषि कर्म पशुपालन ऊनको खेती गर्नु पर्छ ।
पौरखी भै पाखा भित्ता सुनको खेती गर्नु पर्छ ।
आपसमै ऐँचो पैँचो सामजिक सद्भावले ,
पर्दाखेरी सहयोग र गुनको खेती गर्नु पर्छ ।
यो माटोको खातिरमा खाँचो हुँदा दिनलाई ,
आँट साहस बिरताले खुनको खेती गर्नु पर्छ ।
असक्षम अज्ञानताको बादलले ढाकिएको ,
अन्धकार षो धर्तीमा जुनको खेती गर्नु पर्छ ।
मेची काली एकताले बिकासको लहर ल्याई ,
उद्योग कलकारखाना नुनको खेती गर्नु पर्छ ।
-टहल आचार्य
