यमनका इरान समर्थित हुथी विद्रोहीहरूले साउदी अरबको राजधानी रियाद तथा रेड सी तटीय क्षेत्रमा रहेका ऊर्जा केन्द्रहरूमा ड्रोन र मिसाइल आक्रमण गरेको दाबी गरेका छन्।
आक्रमणपछि रियाद अन्तर्राष्ट्रिय विमानस्थल नजिक इन्धन ट्याङ्कीमा आगलागी भएको र केही समय उडान सेवा प्रभावित भएको बताइएको छ। सुरक्षा सतर्कतास्वरूप बासिन्दालाई घरभित्र बस्न चेतावनी दिइएको थियो।
हुथी पक्षले रियादका संवेदनशील क्षेत्र तथा अरामकोका ऊर्जा पूर्वाधारलाई निशाना बनाएको जनाएको छ। घटनाबारे साउदी अरबले तत्काल आधिकारिक प्रतिक्रिया दिएको छैन।
युद्धको प्रभाव बढ्दै जाँदा तेल आपूर्ति र विश्वव्यापी ऊर्जा बजारमा समेत असर पर्न सक्ने विश्लेषण गरिएको छ।
