अमेरिकी राष्ट्रपति डोनाल्ड ट्रम्पले CNN, MS NOW र Politico लाई ह्वाइट हाउसबाट प्रतिबन्ध लगाउने घोषणा गरेका छन्। उनले ती सञ्चारमाध्यमले “झुटा समाचार” प्रसारण गरेको आरोप लगाएका छन्।
तर ह्वाइट हाउसले प्रतिबन्ध कार्यान्वयनबारे कुनै ठोस कदम नचालेको र पत्रकारहरू सामान्य रूपमा कार्यरत रहेको जनाइएको छ। अमेरिकी प्रेस स्वतन्त्रता पक्षधर संस्थाहरूले यस्तो कदम संविधानको पहिलो संशोधन (First Amendment) विपरीत हुने र अदालतले अस्वीकार गर्ने बताएका छन्।
CNN, Politico तथा ह्वाइट हाउस संवाददाता संघले पनि प्रेस स्वतन्त्रतामाथिको आक्रमण भन्दै विरोध जनाएका छन्। डेमोक्र्याट नेताहरूले ट्रम्पको घोषणालाई लोकतान्त्रिक मूल्यविपरीत र अधिनायकवादी शैलीको कदमको रूपमा आलोचना गरेका छन्।
