Sunday 22nd November 2026

सियरालियोनमा तेल ट्यांकर विस्फोटमा सयाैंको मृत्यु, राष्ट्रिय शोकको घोषणा


सियरालियोनको राजधानी फ्रिटोनमा गत शनिबार इन्धन बोकेको ट्यांकर लरीसँग ठोकिंदा भएको विस्फोटमा सयाैं मानिसको ज्यान गएपछि त्यहाँ राष्ट्रिय शोकको घोषणा गरिएको छ। सियरा लियोनका राष्ट्रपति जुलिउस माडा बायोले तीनदिने राष्ट्रिय शोक घोषणा गरेका हुन।

उक्त विस्फोटमा परी एक सय आठजनाको मृत्यु भएको थियो। त्यहाँ सोमबार, मंगलबार र बुधबार राष्ट्रिय शोक मनाइने भएको अन्तर्राष्ट्रिय सञ्चारमाध्यमले जनाएका छन्। इन्धन बोकेको एउटा ट्यांकर अर्को सवारीसाधनसँग ठोक्किएपछि आगलागी भएको थियो। बिहानको समयमा किनबेचका लागि सडकमा सयौँ मानिसको भिड लागेको वेला दुर्घटना भएकाले धेरै मानवीय क्षति भएको जनाइएको छ।

राष्ट्रपति बायोले अस्पतालमा उपचाररत घाइतेहरूलाई भेटेर उनीहरूको अवस्थाबारे जानकारी लिएका छन्। उपचार भइरहेकामध्ये अधिकांशको शरीरका धेरै भाग जलेका बताइएको छ। घाइतेहरूमध्ये धेरैको अवस्था गम्भीर रहेकाले मृतकको संख्या अझै बढ्न सक्ने स्थानीय अधिकारीहरूले अनुमान गरेका छन्।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...