गजल
***
शव्द वाण नहान मलाइ मुटु दुखेको बेलामा
नसोध भकारीमा कति ? दैवले लुटेको बेलामा।
डुबानले जमरा सरि उम्रिएका खेतभरी अन्न
नकोट्ट्याऊ घाउ चहर्याउँने छ गुमेको बेलामा।
दैव यसरी निर्दयी बन्यो गरीव किसान माथि
केहि गरे बचाउँन सकिएन डुबेको बेलामा।
दु:खीको पीर मर्का कहिल्यै बुझेन सरकारले
कोही मल्हम दिन्छौ कि सरकार सुतेको बेलामा।
बर्षेनी डुबानमा पारी आफ्ना देशका बस्ती,खेत
बाँधको साँचो फुटाउ डुबानले पुरेको बेलामा।
शर्मिला श्रेष्ठ, ललितपुर
हाल अमेरिका
