तीतोपाटी – गजल साहित्यमा कलम चलाउँदै आएकी सर्जक प्रतिमा शिवाकोटीको शब्द रचना रहेको “साँचो माया गर्छेउ भने दिल खोलेर आउ” बोलको गीत युटुबमार्फत सार्वजनिक भएको छ । फाष्ट क्रियसन नामको युटुब च्यानलबाट हिँजो मात्रै अनलाइनमा सार्वजनिक भएको उक्त गीत शिवाकोटीको पाँचाैं गीत हो ।
लोकलयको युगल गीतको रूपमा रहेको उक्त गीतलाइ संगीतकार रामकृष्ण थापाले संगीत भरेका छन् भने सुमधुर स्वरका धनी एवं चर्चित रामकुमार नेपाली र नवगायिका रचना रिमालले स्वर भरेका छन् ।
वेभ स्टुटियोका समिर कार्कीको रेकर्डिङ र नरेन्द्र वियोगीको मिक्सिङ रहेको उक्त गीतमा दुइ प्रेमी प्रेमिका बिचका प्रेमालापका अारोह अवरोहलाइ शक्दमा उतारिएको छ भने गायक गायिकाले शब्द अनुसारको गीतलाइ न्याय दिएका छन् ।
गुरू भोटियाको क्यमेरा, बिष्णु खड्काको सम्पादन र गायक नेपालीकै निर्देशनमा तयार गरिएको उक्त गीतमा स्टुडियोको भिजुअल मात्रै प्रस्तुत गरिएको छ । उक्त गीतका लागि छुट्टै अभिनयकर्ता मोडलहरू नराखिए पनि रचनाकार स्वयं एवं गायक-गायिका र सिंगो सांगीतिक टिमलाइ मिलाएर स्टुडियोमा छायांकन गरिएको छ भने सर्जक शिवाकोटीले सबैले एक पटक पुरै म्यूजिक भिडियो हेरेर सुनेर सल्लाह, सुझाब र प्रतिकृया दिन तथा भिडियोलाइ लाइक तथा शेयर गरि सहयोग गरिदिन पनि सबै दर्शक, श्रोताहरूमा अनुरोध गरेकी छन् ।
म्यूजिक भिडियो हेर्नको लागि तलको लिंकमा क्लिक गर्नुहोसः
