हरी कृष्ण न्यौपाने – कुवेतले अनुमोदन गरेको बिभिन्न प्रकारका कोरोना विरुद्दको खोप लगाएका आप्रबासीहरुले अगष्ट-१,२०२१ बाट कुवेत आउन पाउने भएका छन् । कुवेत सरकारको जुन-१७,२०२१ बिहिबार बसेको मन्त्रिपरिषद्को बैठकले उक्त निर्णय गरेको हो।
कुवेत सरकारको मन्त्रिपरिषद्को बैठकका निर्णयहरुलाई सार्वजनिक गर्दै अरब टाइम्स पत्रीकामा लेखिएको छ, “कुवेत प्रवेश गर्ने आप्रवासीहरुले अक्सफोर्ड/एस्ट्राजेनेका, फाइजर, मोडर्ना र जोनसन र जॉनसन (Oxford/AstraZeneca, Pfizer, Moderna and Johnson & Johnson) मध्ये कुनै एक प्रकारको खोप लगाएको हुनु पर्ने छ । स्वास्थ्य मापदन्ड पुरा गर्दै माथि उल्लेखित कोरोना विरुद्दको खोप लगाएका आप्रवासीहरुले कुवेत प्रबेश गरेपछी सिधै ७ दिन होम(घरमै)क्वेरन्टाइन बस्न सक्नेछन् । ७ दिनमा कोरोना परिक्षण नेगेटिभ भएमा उनिहरु आफ्नो दैनिकीमा फर्कन सक्ने छन् । त्यसै गरी कुवेतमा कोरोना विरुद्दको खोप लगाएकाहरुले जुनसुकै बेला पनि स्वास्थ्य मापदन्ड पुरा गरी यात्रा गर्न सक्ने छन् ।
कुवेतले आफूले अनुमोदन गरेका कोरोना विरुद्दको खोप नलगाएका व्यक्तिहरुलाई सपिङ मल, रेष्टुरेन्ट, सैलुन र प्रमुख कम्प्लेक्समा प्रवेश गर्न नदिने भएको छ भने सपिङ मलहरु अर्को सूचना नभएसम्म बेलुकी ८ बजे बन्द गरिने छ ।
त्यस्तै कुवेत एयरवेजले यूके(लन्डन)का लागी स्वास्थ्य मापदन्ड पुरा गर्दै जुन १३ तारिकबाट हरेक हप्ताको एक उडन शुरु गरिसकेको छ।
