Thursday 19th November 2026

शर्मिला श्रेष्ठका झ्याउरे छन्दमा असारे टुक्काहरू


१)रोपाईं गर्न आमाले मेरी पटुकी कसेकी,
सचेत भइ बेलैमा बीऊ छरेर बसेकी।

२)काँधमा हलो बोकेर बाबा हिडेका खेतमा,
अर्निको डालो भरेर आमा दौडिन् अचेतमा ।

३)रोपेर माना फलाऔं मुरी धानको बिटोले,
हातैमा ठेला उठेनी बरु खन्दैछ ठिटोले ।

४)असारे गीत मिलेर सबै रहर गाउँने,
विदेश बाट फर्केको बेला बाबा सघाउँने ।

५)बर्षिदे वर्षा मनग्गे आज रोपाईं गरौँला,
भरोसा मेरो पाकेसी धान भकारी भरौला ।

६)प्रकृति माता नगर्नु हेला आउँनु बेलैमा,
बयान तिम्रो गर्नेछौं हामी दोहोरी खेलैमा।

७)नपुगे पानी कसरी रोप्नु भन्दैछन् किसान,
खडेरी पर्यो पुगेन पानी खेतमा चिसान ।

८)गरिवी रोक्न गरौं है काम आलसी त्यागेर,
राम्ररी सोच्नु पौरख बिना नपाइ मागेर ।

९)बन्धक राखी जादैंछौं हामी पुरै खेतबारी,
साहुले खान्छ नफर्के देश तम्सुक मुसारी ।

शर्मिला श्रेष्ठ,ललितपुर
हाल अमेरिका


सम्बन्धित शीर्षकहरु

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानअन्तर्गत सरकारले पाँचवटा स्थानीय तहलाई भूमिहीन समस्यामुक्त पालिका…

१८ नोभेम्बर २०२६ | मध्यपूर्व / मध्यपूर्वमा अमेरिका र इरानबीचको सैन्य तनाव थप चर्किएको छ। इरानको केश्म टापुस्थित क्षेप्यास्त्र प्रक्षेपण…

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

प्रतिकृयाहरू
...