तितोपाटी- गण्डकी प्रदेशसभाको आजको बैठकमा अनुपस्थित भएका सांसद खिमविक्रम शाही अस्पतालमा रहेको बुझिएको छ । उनी पोखराको चरक अस्पतालमा भर्ना भएका हुन् ।
उनलाई कोभिड-१९ वार्डमा राखिएको अस्पताल स्रोतले बतायो ।
तर, हिजो गरिएको पीसीआर परीक्षणमा सांसद शाहीको रिपोर्ट नेगेटिभ आएको थियो । आज गरिएको परीक्षणमा रिपोर्ट पोजिटिभ आएको भन्दै आइसोलेसनमा राखिएको हो ।
बुधबारको प्रदेशसभा बैठकमा मुख्यमन्त्री पृथ्वीसुब्बा गुरुङविरुद्धको अविश्वास प्रस्तावमा मतदान हुने कार्यसूची थियो ।
तर, राष्ट्रिय जनमोर्चाका सांसद शाही सम्पर्कविहीन भएपछि सचेतक पियारी थापाले खोजी गरिदिन माग गर्दै प्रदेशसभा सचिवालयमा निवेदन दिएकी थिइन् । शाहीको अवस्था अज्ञात रहेको र खोजी गरिदिन माग गर्दै प्रदेशसभा सचिवालयमा निवदेन दिएपछि प्रदेशसभा बैठक स्थगित भएको छ । शिलापत्रबाट
