तितोपाटी- मुख्यमन्त्री पृथ्वीसुब्बा गुरुङविरुद्ध अविश्वासको प्रस्ताव दर्ताको तयारी भएपछि गण्डकी प्रदेशसभाको अधिवेशन अन्त्य गरिएको छ ।
आफूविरुद्धको अविश्वास प्रस्ताव छल्न गण्डकीका मुख्यमन्त्री पृथ्वीसुब्बा गुरुङले प्रदेशसभाको अधिवेशन अन्त्यको सिफारिस प्रदेश प्रमुख अमिक शेरचनसमक्ष गरेका थिए । शेरचनले चालु अधिवेशन १ वैशाख राति १२ बजेदेखि अन्त्य भएको जानकारी सभामुख नेत्रनाथ अधिकारीलाई गराएका छन् ।
२५ चैतबाट सुरु गण्डकी प्रदेशको विधेयक अधिवेशन तीन दिनसम्म चलेको थियो । त्यसपछि वैशाख ६ गतेसम्म बैठक स्थगित गरिएको थियो ।
गण्डकीमा कांग्रेस, माओवादी केन्द्र, जनमोर्चा र जनतासमाजवादी पार्टीका सांसदहरुले हस्ताक्षर संकलन गरिरहेका छन्। प्रदेशसभा कांग्रेसका १५, माओवादी केन्द्रका १२, जनमोर्चाका ३ जसपाका २ र स्वतन्त्र एक सांसद छन् भने एमालेको २७ सिट छ ।
