Saturday 21st November 2026

कांग्रेस र जसपासँग मिलेर सरकार बनाउन तयार छौँ: माधव नेपाल


तितोपाटी- नेकपा दाहाल–नेपाल समूहका अध्यक्ष माधवकुमार नेपालले आफूहरु कांग्रेस र जनता समाजवादी पार्टीसँग सहकार्य गरेर नयाँ सरकार निर्माण गर्न तयार रहेको बताएका छन् ।

आफ्नो र पुष्पकमल दाहाल प्रचण्डका कारण कुनै असहज परिस्थिति नआउने पनि नेता नेपालले बताए । यस्तै प्रतिगमन विरुद्धमा सबै दलहरु एकताबद्ध भएर अगाडि बढ्नुको विकल्प नभएको उनले बताए । प्रतिगमनविरुद्ध संघर्षका लागि नेपालले कांग्रेस, जसपा लगायत पार्टीलाई पनि आह्वान गरेका छन् ।

‘बैठक बसौं, खुल्ला रुपमा छलफल गर्न तयार छौं । हामी सबै विकल्पमा खुला छौं ’ नेता नेपालले बताए । बिहीबार काठमाडौँमा आयोजित एक कार्यक्रमलाई सम्बोधन गर्दै नेता नेपालले यस्तो बताएका हुन् ।

कार्यक्रममा कांग्रेसका युवा नेता प्रदीप पौडेलले ओली समूह बाहेकका पार्टी तथा शक्तिहरु मिलेर चुनावी सरकार बनाउनुपर्ने सुझाव दिएका छन् । पहिले संसद पुर्नवहाली हुनुपर्छ भन्ने शक्तिहरु मिलेर केपी ओलीलाई प्रधानमन्त्रीबाट हटाउनुपर्ने र त्यसपछि समस्याको समाधान निकाल्नुपर्ने उनको तर्क थियो । अन्नपूर्णपोस्टबाट


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...