Sunday 11th April 2021

कविताः शान्तिको खोजी – लोक छ्न्द: झ्याउरे -हरि शर्मा (गलकोटे कवि)


लोक छ्न्द: झ्याउरे( ४+४+४+४ अक्षर )
लोकछन्दमा उच्चारण अनुसार अक्षर गन्ने छुट छ)

शान्तिप्रिय बाबाआमा दिदीबहिनी दाजुभाइ
आनन्दको खोजमा छौँ सबै हामी साथीभाइ
हामी यौटा बिन्ती गर्छौँ हजुरहरू सबैलाई
शान्ति कता हराएकी भनिदिनुस् हामीलाई ।🌷🙏🌺

सुन नानी तिमी ज्ञानी शान्ति ऐले लुकेकी छन्
सबैजना लोभी पापी अशान्तिको पछाडि छन्
बाहिर गए आतङ्कले खेदो खनी लखेट्दछ्न्
गाली गर्छ्न् खुबै चर्को आगो बाली डढाउँछन् ।🌷🙏🌺

जनताहरू डरको मारे घरभित्र लुकी बस्छन्
अरौटे र भरौटे छन् चाकडीलाई पूजा गर्छ्न्
गल्लीपिच्छे आगो बाल्दै तोडफोड गर्दै घुम्छन्
आसेगाँसे ठुलो गाँस खान भनी गल्ली डुल्छन् ।🌷🙏🌺

आनन्दको खोजी गरी डुलेका छौ तिमी त्यता
आफू मात्र लिन खोज्छौ लखेटेका तिमी कता
आफू मात्र लिन खोज्दा दुख्यो त्यता मानवता
मानवता छाडी हामी खोजी हिँड्छौँ दानवता ।🌷🙏🌺

शान्ति अनि आनन्द ती एकसाथ बस्ने गर्छन्
दुबै जना दानी मान्छे आफू दिँदा रमाउँछन्
स्वार्थीहरू रमाएर आफू मात्र लिन खोज्छन्
दुवै जना भागेपछि स्वार्थी यहाँ छ्क्क पर्छन् ।🌷🙏🌺

हरि शर्मा (सुवेदी)-गलकोटे कवि
मिशिगन अमेरिका💐🌷🌺🌼


Loading...
सम्बन्धित शीर्षकहरु

तितोपाटी- कर्णाली प्रदेशका मुख्यमन्त्री महेन्द्रबहादुर शाहीले तीन जना मन्त्रीले दिएको राजीनामा स्वीकृत गरेका छन् । एमालेका तर्फबाट मन्त्री बनेकाहरूले दिएको…

तितोपाटी- कुवेतले कोभिड-१९ विरूद्धको खोप सुरु गरेको तीन महीनामा ७ लाख ६ हजारले भन्दा बढिले कोरोना विरूद्धको खोप लगाएका छन…

तितोपाटी- केही दिन अगाडि एनआरएन, पोर्चुगलका कोषाध्यक्षले फर्जी टिकट र फर्जी रेमीट्यान्स बनाई सयौं नेपालीलाई ठगेका छन्। यसबाट पोर्चुगलमा ठगलाई…

प्रतिकृयाहरू