तितोपाटी – पछिल्लो पटक चर्चामा रहेका गायक दुर्गेश थापा र सिसन बानियाँले बजारमा ल्याएको नयाँ गीत ‘जाने भए जाम माया’ले युट्युबमा धमाका पिटेको छ । गीत रिलिजको २४ घण्टाभित्र सर्वाधिक भ्यूज पाउने नेपाली गीतको रेकर्ड यसले बनाएको हो । यो गीत बुधबार बेलुका रिलिज भएको केही घण्टामै ट्रेन्डिङमा आएको थियो । गीतलाई २० घण्टामै १६ लाख ३६ हजारभन्दा धेरै पटक हेरिएको छ । यसअघि यस्तो रेकर्ड विष्णु माझीको गीत ‘आइन आम यो तीजमा’ले राखेको थियो । माझीको गीतलाई रिलिजको दिनमा १५ लाख पटक हेरिएको थियो ।
‘जाने भए जाम माया’ले विहिबार युट्युबमा अर्को कीर्तिमान रच्दै अमेरिकामा युट्युब ट्रेन्डिङमा आउने पहिलो नेपाली गीत समेत बनेको छ । यो गीतले अस्ट्रेलियामा ट्रेन्डिङ १ मा, क्यानडामा १७, युएईमा ३, कतारमा २, कुवेतमा ५, बेलायतमा ८ र नेपालमा संगीत चर्चा कमाईरहेको छ ।
गीतमा संगित दुर्गेश थापाको रहेछ भने दुर्गेश थापा, सिसन बानियाँ र अलहजी गेरोको स्वर रहेको गीतको म्युजिक भिडीयोमा दुर्गेश थापा, सिसन बानियाँ, लासो पेमा, अलहजी गेरो र गुराँस नानीको अभिनय रहेको छ ।
