Saturday 21st November 2026

भारत र चीनका राजदूतद्वारा देउवासँग भेटवार्ता


तितोपाटी- सर्वोच्च अदालतले संसद विघटन बदर गरेपछिको अवस्थामा छिमेकी मुलुकले पनि चासो देखाउन थालेका छन् । नेपालमा भएको राजनीतिक घटनाक्रमप्रति चीन र भारतका राजदूतहरु पनि सक्रिय हुन थालेका हुन् ।

संसद पुनर्स्थापना भएसँगै भारतीय राजदूत विनय मोहन क्वात्रा र चीनकी राजदूत होउ यान्छीले नेपाली कांग्रेसका सभापति शेरबहादुर देउवा लगायतका नेतासँग भेटवार्ता गरेका छन् ।

दुबै राजदूतले बिहीबार देउवासँग भेटेर अबको बाटो र राजनीतिक निकास बारेमा चासो राखेका हुन् । देउवा निवास बुढानिलकण्ठमा छुट्टाछुट्टै भेट गरेर अवको राजनीतिमा कांग्रेसको भुमिकावारे चासो राखेका हुन् ।

जवाफमा कांग्रेस सभापति देउवाले सर्वोच्चले संसद पुनर्स्थापना गरेपछि संविधान र लोकतन्त्र बलियो भएको भन्दै दलहरुसँगको परामर्शमा उचित निकास निकाल्न कांग्रेसले भुमिका निर्वाह गर्ने जानकारी गराएका छन् ।

नयाँ सत्ता समिकरणमा कांग्रेस निर्णायक भएपछि देउवासँग अन्य दलका नेताले पनि भेट तिब्र पारेका छन् । नेकपाका दुबै पक्षले सहकार्यका विषयमा परामर्श गरिरहेका छन् । तर कांग्रेसले नेकपा विवाद नटुंगिएसम्म छलफलको वातावरण नबन्ने जनाएको छ ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...