Wednesday 3rd March 2021

व्यंग्य कविताः आफन्त भ्यागुता – लोकप्रिय छ्न्द: झ्याउरे -हरि शर्मा (गलकोटे कवि)


भ्यागुता बढे गलकोटतिर भनेको सुनियो
साँचो वा झुटो बुझेन कवि कसरी बुझ्ने हो ?
भ्यागुता माछा अत्यन्तै धेरै भएको गलकोट
मान्छेको बानी भ्यागुता जस्तो बनेको देखिन्छ ।१।🌷🙏🌺

आफन्त जन भ्यागुता बन्दा अचम्म लाग्दछ
भ्यागुता यौटा गलकोट सारा खतम पार्दछ
बुझ्दछ कुरा पठाई दुत उसका अरौटे
जे भने पनि खुरुक्क मान्छ्न् उसका भरौटे ।२।🌷🙏🌺

सानेको खेदो खनेर हिँड्ने विकासी भ्यागुता
आफूको लागि चाकडी गरी डुल्दछ सर्वत्र
अत्यन्तै चिप्लो कुराको खानी पुराण वाचन
भेटेको बेला मुखले ठिक्क पार्दछ छिनमा ।३।🌷🙏🌺

स्वनाम धन्य बनेको हुँदा आफूको प्रचार
अगाडि साने बढेको देखे समाती पछार
सिध्दान्त यस्तो बोकेको हुँंदा गुटमा बोलायो
अरुले मान सानेको गरे निकाली धपायो ।४।🌷🙏🌺

छ्ल र बल साथमा बोक्छ विकासे भ्यागुता
चौतर्फी आफू भएको भनी खोकेर हिँड्दछ
गुरिल्ला साथी बनायो भन्ने सुन्दैछ सानेले
सानेको पछि परेको किन बुझेन सानेले ।५।🌷🙏🌺

सोचाइ राम्रो राखेर हिँड जनले बोल्दछ
जति नै राम्रो सोचाइ राखौँ सर्पले टोक्दछ
भ्यागुते रोग आफन्तलाई कसरी लाग्यो खै
रामले जाने जान्दैन साने बुझ्दैन पटक्कै ।६।🌷🙏🌺

हरि शर्मा (सुवेदी)-गलकोटे कवि
मिशिगन अमेरिका💐🌷🌺🌼


Loading...
सम्बन्धित शीर्षकहरु

तितोपाटी- नेत्रविक्रम चन्द विप्लवको प्रतिबन्धित नेपाल कम्युनिष्ट पार्टी र सरकारका वार्ता टोलीबीच पहिलो चरणको वार्ता सकिएको छ । बुधबार बिहान…

तितोपाटी- जिल्लाको व्यास नगरपालिका–४ स्थित होटल सःसः इनमा गए राति अन्दाजी २ः०० बजेको समयमा आगलागी हुँदा करिब रु ४० लाख…

तितोपाटी-  नशालु हेराई, लज्जालु बोलि, चिट्टिक ज्यानमा टिमिक्क चोली, कत्ति सुहाएको शिरमा रिवन, हातमा बाला भन्दै गायाक हरी गिरिबिमर्शी ले…

प्रतिकृयाहरू