वर्ण-१७
विश्राम-६,४,७
नसमरसला, ग: षडेवेदै-र्हयैर्हरिणी मता ।
हरबखतमा उड्दै गर्ने चरा जसरी यहाँ
अलमल बिना फत्ते गर्ने जुनै सपना जहाँ
झटपट गरी धन्दा आफ्नो पुरा नगरी ढिलो
तपसिल बुझी आनाकानी बिना छिनमै हिँड्यो ।१।🌷🙏🌺
अकपट सदा आशावादी बनेर उचाइमा
सफल जगमा हामी देख्छौँ अनेक सवालमा
समय धनको साथी जानौँ सदैव घुमाइमा
सुख दुख सदा साथै राख्ने समान विचारमा ।२।🌷🙏🌺
टिकटिक गरी बढ्यो चढ्यो उचाइ हतारमा
अभिनय खुबै सर्वेसर्वा लडाइँ विचारमा
कतिपय लडे खाल्टाखुल्टी असङ्ख्य सवारमा
कतिपय भनेँ मेरो यस्तै कपाल निधारमा ।३।🌷🙏🌺
सफल जसले चिन्यो जान्यो उपाय प्रयासले
असफल भए जानीजानी कुजात विनाशले
दिनदिन बिते नानाभाँती गराइ बसाइले
अलमल परे जोरीखोजा सुताइ उठाइले ।४।🌷🙏🌺
अगति जनता मार्दा काट्दा कठोर प्रकारले
अपयस मिल्यो यस्तो खाले कुकृत्य विचारले
समय गणना पाखण्डीको सदैव कुकार्यमा
हरपल डुब्यो ज्ञानी मान्छे सुशील विचारमा ।५।🌷🙏🌺
-हरि शर्मा
मिशिगन, अमेरिका ।
