Friday 29th March 2024

३ महिनामा ५० हजार इलिगल थपिए


तोयानाथा उपेक्षित – कुवेतमा डेमोग्राफिक ईम्व्यालेन्सलाई लिएर कोभिडको कहर शुरु भएपछि चलेको गर्मागर्मी बहस कार्यान्वाईनमा आउन थालेको देखिन्छ । विगत १० महिना यता नयाँ भिषा जारी भएको छैन र गएको सेप्टेम्बर देखि डिसेम्बर सम्मको चार महिनामा कुवेत नर्फकने गरी ८३५७४ जनाले कुवेत छाडेका छन । ती मध्ये कुवेतको सरकारी निकायमा काम गर्ने २ हजार १४४ जना रहेको समाचारमा जनाईएको छ ।

गत अगष्ट यता कुवेत सरकारले छाँपा मार्ने र बाटोघाटोमा गर्ने चेकिंगमा कमी आए सँगै ईलिगल बन्नेहरुको संख्या पनि अचम्म गरी बढेको देखिन्छ । एक तथ्यांक अनुसार विगत सेप्टेम्बर देखि डिसेम्बरका बीचमा मात्र १ लाख ३० हजार बाट बढेर १ लाख ८० हजार पुगेको छ । चार महिनाको अवधीमा ५० हजार जना ईलिगल बन्नुका पछाडी धेरै कारणहरु भए पनि कोभिड पनि एउटा प्रमुख कारण हो । समयमा उनीहरु जहाजको अभावमा स्वदेश फर्कन नसक्दा ईलिगल भएका हुन ।

खास गरेर सरकारी अनुमान अनुसार जीलिप, हसविया र अमघारा ईलिगलहरु रहने प्रमुख थलो हो । जहाँ हजारौ ईलिगल रहेको बताईन्छ । कुवेतको सरकारी सेवामा एक आँकडा अनुसार कार्यरत विदेशीहरुको संख्या ९५,१७३ छ । यो संख्या मध्ये ६५ प्रतिशत खास गरेर शैक्षिक र मेडिकल संस्थामा छन । उक्त क्षेत्रमा एक साल भित्रमा विदेशीलाई खाली गर्ने सरकारी योजना रहेको बताईन्छ ।

यसैबीच कुवेतमा घरेलु कामदारको चर्को अभाव रहेको बताईन्छ । यसका लागि घर विदामा गएकाहरुलाई कुवेत ल्याउनका लागि यहाँको सरकारले कदम अघि बढाई सकेको छ तर त्यसले यहाँको माग लाई धान्न सक्ने देखिदैन । अहिले कुवेतमा ८० हजार घरेलु कामदारको माग रहेको छ । खास गरेर फिलिपिन्स, भारत, श्रीलंका र नेपालबाट आपुर्ति हुँदै आएका कामदारहरुको डिमाण्ड तत्काल पठाउन यहाँको सरकार ईच्छुक छैन । फेरी पनि तत्काल थोरै संख्यामा हाउसमेडको भिषा जारी गर्ने तयारीमा सरकार रहेको छ ।

अफ्रिकन मुलुक अहिले पनि खुला छ । त्यहाँको जहाजलाई प्रतिबन्ध लागेको छैन । खासगरेर ईथोपियनहरु कुवेतमा हाउसमेडका लागि आउने गरेकोमा उनीहरुलाई यहाँका नागरिकले रुचाउँदैनन । त्यसो त उनीहरु यशियन देशको भन्दा सस्तोमा पाईने कामदार हुन । त्यतैबाट भए पनि घरेलु कामदारको आपुर्ति गर्ने तयारीमा कुवेतको सरकार रहेको बुझिन्छ ।


सम्बन्धित शीर्षकहरु

जापानमा कोलेस्ट्रोल कम गर्न प्रयोग गरिने ‘डाइटरी सप्लिमेन्ट’ (औषधीय आहार) का कारण दुई जनाको मृत्यु हुनुका साथै १०० जनाभन्दा बढी…

ग्लोबल आइएमई बैंक र विश्व बैंक समूहको सदस्य अन्तर्राष्ट्रिय वित्त निगम (आईएफसी) बिच जोखिम व्यवस्थापन, जलवायु वित्त तथा लैङ्गिक वित्त…

"पाँच तत्त्व पाँचै विकार, पञ्चाङ्ग नै ठिक आधार" विधा :- पञ्चाङ्ग अभ्यास गर्ने थलो :- पञ्चाङ्ग साहित्य समाज वर्ष ३…

प्रतिकृयाहरू
...