रुसले युक्रेनको राजधानी कीभ र वरपरका क्षेत्रमा राति ड्रोन र मिसाइल आक्रमण गर्दा एक बालकसहित कम्तीमा ३ जनाको मृत्यु भएको छ। साथै ७ जना घाइते भएका छन्।
आक्रमणका कारण केही घर, पसल र गोदाममा आगलागी भएको स्थानीय अधिकारीहरूले बताएका छन्। उद्धार टोलीले प्रभावित क्षेत्रमा खोज तथा राहत कार्य जारी राखेको छ।
रुसले भने कीभ क्षेत्रका सञ्चार र ऊर्जा पूर्वाधार तथा ओडेसा नजिकको बन्दरगाह क्षेत्रमा रहेका लक्ष्यहरूमा आक्रमण गरेको दाबी गरेको छ।
यसैबीच, युक्रेनमाथिको आक्रमणका कारण सुरक्षा सतर्कता अपनाउँदै पोल्याण्डका दुई विमानस्थल केही समयका लागि बन्द गरिएका थिए। अवस्था सामान्य भएपछि उडान सेवा पुनः सञ्चालन गरिएको छ।
युद्ध जारी रहँदा दुवै पक्षबीच आक्रमण र प्रतिआक्रमण तीव्र बन्दै गएको छ।
